“நிலவுக்கு என்மேல் என்னடி கோபம்” புகழ் பவிஷ் நாராயண் மற்றும் நாக துர்கா நடிப்பில், மகேஷ் ராஜேந்திரன் இயக்கத்தில் ‘Light Hearted’ காதல் படமான “Love Oh Love” திரைப்படத்திற்கு இசையமைக்க FOXn ஒப்பந்தம்.
சினிமா மீடியா அண்ட் என்டர்டெயின்மெண்ட் லிமிடெட் – தினேஷ் ராஜ், கிரியேட்டிவ் என்டர்டெயினர்ஸ் & டிஸ்ட்ரிப்யூட்டர்ஸ் நிறுவனத்தின் G. தனஞ்ஜெயன் அவர்களுடன் இணைந்து, தங்களின் காதல் பொழுதுபோக்கு திரைப்படமான “Love Oh Love”-க்கு திறமையான இசையமைப்பாளர் ஜோடியான FOXn, இசையமைக்க இருப்பதை பெருமையுடன் அறிவிக்கிறது.
சென்னையில் பல்வேறு இடங்களில் படப்பிடிப்பு வேகமாக நடைபெற்று வரும் இந்த திரைப்படத்தில், பவிஷ் நாராயண் மற்றும் பிரபல தெலுங்கு யூடியூப் முகமாக இருந்து தமிழ்த் திரையுலகில் அறிமுகமாகும் நாக துர்கா முக்கிய கதாபாத்திரங்களில் நடிக்கிறார்கள்.
மேலும் இயக்குநர் செல்வராகவன் முக்கிய வேடத்தில் தோன்றுகிறார். அவருடன் இயக்குநர் கே.எஸ். ரவிக்குமார், வனிதா விஜயகுமார் உள்ளிட்ட பலர் இப்படத்தில் இடம்பெறுகின்றனர். போகன், பூமி ஆகிய படங்களின் இயக்குநர் லட்சுமணின் உதவி இயக்குநரான மகேஷ் ராஜேந்திரன் எழுதி இயக்கும் இந்தப்படம், இன்றைய உறவுகளை மையமாகக் கொண்டு இளைஞர்களுக்கான உணர்ச்சிப்பூர்வமான, அவர்களை ஈர்க்கக்கூடிய கதையாக இருக்கும் என்று உறுதி அளிக்கிறது.
FOXn — வடசென்னையிலிருந்து வரும் புதிய இசை சக்தி.
வடசென்னையின் Foxen Street-ல் பிறந்து வளர்ந்த, சிறுவயது நண்பர்களான பிரதீப் PJ மற்றும் வேன் பேவி (Wayne pavey) ஆகியோர் இணைந்த இசையமைப்பாளர்/ப்ரொட்யூசர் ஜோடியே FOXn.
2012-ஆம் ஆண்டு தொடங்கிய இவர்களின் இசைப் பயணம், பத்து ஆண்டுகளாக வளர்ந்து, உணர்வுப்பூர்வமானதும், சோதனை மனப்பான்மையுடனும், இயல்பானதுமான தனித்துவமான ஒலியமைப்பை உருவாக்கியுள்ளது.
Think Music / Think Indie போன்ற தென்னிந்தியாவின் முன்னணி இசை லேபிள்களின் கீழ் இவர்களின் படைப்புகள் வெளியாகியுள்ளன.
Chikkama (Vengayo உடன்), En Seethai (Paal Dabba உடன்), Tharunangal (Sarah Black உடன்) போன்ற வைரல் பாடல்கள், ஸ்ட்ரீமிங் தளங்களில் பெரும் வரவேற்பைப் பெற்று, இவர்களை இன்டி மற்றும் மெயின்ஸ்ட்ரீம் இசை உலகின் முக்கியமான ஒரு குரலாக நிலைநிறுத்தியுள்ளது.
“Love Oh Love” படத்தின் மூலம் FOXn, முழுமையான திரைப்பட இசையமைப்பாளர்களாக தமிழ் சினிமாவில் அறிமுகமாகிறார்கள். ஆன்மாவைத் தொடும் மெலடிகளை நவீன ஒலியமைப்புகளுடன் கலக்கும் இவர்களின் பாணி, இந்த காதல் கதையின் இதயத்தைத் தொட்டடையக்கூடிய இளைஞர்களுக்கான, உணர்ச்சிமிகு இசை ஆல்பத்தை வழங்கும் என எதிர்பார்க்கப்படுகிறது.
இயக்குநர் மகேஷ் ராஜேந்திரன் கூறியதாவது:
“FOXn படத்தின் இசைக்கு புத்துணர்ச்சியான, உயிர்ப்பான எனர்ஜியைக் கொண்டு வருகிறார்கள். இளமையானதும் முதிர்ச்சியானதும், உணர்ச்சிப்பூர்வமானதும் விளையாட்டுத்தனமானதுமான அவர்களின் இசை, ‘Love Oh Love’ படத்தின் கதைக்கருவுடன் சிறப்பாக ஒத்துப்போகிறது. அவர்களின் பாடல்களும் பின்னணி இசையும் ரசிகர்களின் மனதை ஆழமாகத் தொடும் என்பதில் எங்களுக்கு முழு நம்பிக்கை உள்ளது.”
